Шымкенттен Астана қаласына ұшып бара жатқан Fly Arystan әуекомпаниясының рейсінде төтенше жағдай болып, 20 жастағы студент есінен танып қалды. Дабылға бортсеріктер бірден жауап берді, олар борттағы дәрігерлерді көмекке шақырған, – деп хабарлайды Oimaqnews.kz Aikyn.kz. сайтына сілтеме жасап.

Денсаулық сақтау министрлігінің мәліметінше, көмекке жоғары білікті маман реаниматолог, «Педиатрия және балалар хирургиясы ғылыми орталығы» АҚ жаңа туған нәрестелердің анестезиологиясы, реанимациясы және қарқынды терапиясы бөлімшесінің меңгерушісі, нейрохирург және кардиолог Нұрсұлтан Әуелбекұлы Құрбанбеков жауап берді.

Пациентті қарап-тексеру кезінде ол әлсіз импульсті және нөлдік деңгейдегі қан қысымын анықтады, бұл ауыр жағдайды көрсетті. Дәрігерлердің жедел және үйлестірілген іс-қимылдарының арқасында қыздың жағдайы бірнеше минуттан кейін айтарлықтай жақсарды, - дейді дәрігер.

Анамнезде қандағы гемоглобин деңгейі небәрі 61 екені анықталды және қыздың айтуынша, ол емделмеген, бұл есін жоғалтудың себептерінің бірі болуы мүмкін.
Осыған байланысты дәрігерлерден әрі қарай тексеру және осындай жағдайларға әкелуі мүмкін ауруларды болдырмау үшін мамандардан консультация алу ұсынылды, - делінген хабарламада.