Тележүргізуші Динара Сәтжан Ақтау маңындағы ұшақ апатынан қаза тапқан астаналық нотариус Гаухар Шаймерденова мен оның ұлы Эльдар Жұмағатқа қатысты жазба жариялады, – деп хабарлайды Oimaqnews.kz  Aikyn.kz. сайтына сілтеме жасап.

“Мен Астана нотариаттық палатасының төрайымы Әйгерім Айкешевамен сөйлестім. Оның айтуынша, өткен жексенбіде марқұммен олар нотариустар корпоративінде бірге болған. Гаухар әріптестеріне кіші ұлымен бірге жаңа жылды қарсы алу үшін Грозныйдағы отбасылық достарына ұшып бара жатқанын айтқан. Астанадан Грозныйға тікелей әуе рейсі болмағандықтан, олар Баку арқылы ұшқан. Гаухардың Аустралияда оқитын үлкен ұлы бар еді. Ол енді ғана елге ұшып келгендіктен, Астанада қалған.  Ал Гаухардың анасы қайғылы оқиға жайлы әлі білмейді. Гаухардың бұрынғы күйеуі мен көмекшісі марқұмдардың денесін алып кету үшін Ақтауға ұшып кеткен", – деп жазды журналист Instagram-дағы парақшасында.