Халықаралық inDrive компаниясының негізін қалаушы Арсен Томский қазақстандық урбанист әрі журналист Камила Лұқпановамен некесін қиып, Түркияның қақ төрінде зәулім үйлену тойын өткізді, деп хабарлайды Oimaqnews.kz  Qaz365.kz. сайтына сілтеме жасап.

Оралдан Стамбұлға дейін: жаңа отбасының құрылу тарихы

Ірі IT-кәсіпкер мен қазақстандық журналистің махаббат хикаясы ең үздік ұлттық дәстүрлер аясында өрбіді. Салт-дәстүрге негізделген маңызды бөлігі үйлену тойына дейін қалыңдықтың туған жерінде өткен болатын.

2026 жылдың мамырында Орал қаласында дәстүрлі «сырға салу» және «құда түсу» рәсімдері өтті.

2026 жылдың 15 тамызында жұптың романтикаға толы ресми үйлену тойы Стамбұлдың төрінде өтті.

Жас жұбайлар әлеуметтік желілердегі парақшаларында қуанышты сәттерінің әсерлі кадрларымен белсенді бөлісіп, әлемнің түкпір-түкпіріндегі қолданушылардан көптеген құттықтауларды қабылдады.

«Қазақ елінің күйеу баласы»

Ұлты саха (якут) Арсен Томскийдің өз өмірін Қазақстанмен байланыстырғанына көп болды. Бизнесмен 2023 жылы ресми түрде Қазақстан азаматтығын алып, мұнда технологиялық және әлеуметтік жобаларды белсенді дамытып келеді.

Кәсіпкер үйленгеннен кейінгі жаңа мәртебесіне өзіне тән әзілмен пікір білдірді. Дәстүрлі қазақ жоралғыларынан кадрлар жариялаған Томский өзін қалжыңдап «Қазақ еліне +1 күйеу бала» деп атады.