ІІМ мәліметінше, заңбұзушылық әлеуметтік желілерге мониторинг жүргізу кезінде анықталған. Тікелей трансляция кезінде қыз балағат сөздер айтып, өзін дөрекі ұстаған және полиция мәліметінше, есірткі тұтынғаны туралы айтқан.

Полиция қызметкерлері құқық бұзушының жеке басын жедел анықтады. Ол Семейде уақытша тұрып жатқан, Түркістан облысының 26 жастағы тумасы болып шықты. Медициналық куәландыру қорытындысы қызды ұстау кезінде мас күйде болғанын көрсетті.

Сот оны ұсақ бұзақылық жасағаны үшін кінәлі деп танып, 10 тәулікке әкімшілік қамауға алу жазасын кескен.

Полиция мұндай әрбір жағдайға құқықтық баға берілетінін баса айтты.

"Интернеттегі әрбір осындай тікелей эфир, заң мен қоғамдық тәртіпті бұзудың әрбір дерегі тиісті түрде құқықтық тұрғыдан бағаланып, тиісті шаралар қабылданады", - деді ведомстводағылар.