Қайғылы жағдай 9 маусым күні кешке Жаңақала ауданында Жаңақазан ауылы маңындағы Кіші Өзен өзенінде болған. 

Төтенше жағдай министрлігінің мәліметінше, жедел кезекшінің 112 пультіне 2008 және 2009 жылы туған үш жасөспірімнің суға батып кеткені туралы хабарлама түсті.

Олар шомылуға арналмаған әрі жабдықталмаған жерде суға түскен. Аталған аумақта суда болудың қауіпті екенін ескертетін арнайы тыйым салу белгісі орнатылған.

“Оқиға орнына Батыс Қазақстан облысы Төтенше жағдайлар департаментінің күштері мен құралдары жедел түрде жіберілді.ТЖМ бөлімшелері келгенге дейін қаза тапқан жасөспірімдердің денелерін жергілікті тұрғындар судан шығарып алған. Қазір оқиғаның мән-жайы мен себептері анықталып жатыр”, – деп мәлімдеді ведомство.

Сондай-ақ министрдік өкілдері жабдықталмаған әрі шомылуға арналмаған жерлерде суға түсу адам өмірі мен денсаулығына өте қауіпті екенін ескертті. 

“Суда демалу үшін тек ресми түрде рұқсат етілген орындарды таңдаңыздар, қауіпсіздік талаптарын сақтаңыздар және балаларды қараусыз қалдырмаңыздар", – деді ТЖМ өкілдері.