Қарағанды облыстық аумақтық инспекциясының өсімдіктер карантині жөніндегі мемлекеттік инспекторы фитосанитариялық бақылау жүргізу кезінде Ресей Федерациясынан импортталған қызанақ тұқымдарының 130 қаптамасынан сынама алды.

Зерттеу жұмыстарын «Фитосанитария» РМК мамандары жүргізді. Сараптама қорытындысы бойынша үлгілердің құрамынан карантиндік нысандар қатарына енгізілген қызанақ жемістерінің қоңыр қатпарлы вирусы — Tomato brown rugose fruit virus (ToBRFV) табылды. Аталған дерекке байланысты әкімшілік іс қозғалып, материалдар қолданыстағы заңнамаға сәйкес шешім қабылдау үшін сотқа жолданды.

Ауыл шаруашылығы министрлігі сыртқы саудаға қатысушыларға карантиндік өнімдерді ел аумағына әкелу кезінде өсімдіктер карантині саласындағы талаптар мен фитосанитариялық нормаларды қатаң сақтау қажеттігін ескертеді. 

Еске салсақ, 19 тонна алмұрт фитосанитарлық сертификаттың болмауына байланысты Бельгияға кері қайтарылды.