Қырғызстан азаматтары Израильдегі жоғары қауіп-қатер аймағынан сәтті эвакуацияланды.

Сыртқы істер министрлігінің мәліметінше, Қырғыз Республикасының азаматтарының қауіпсіздігін қамтамасыз ету және құқықтарын қорғау мақсатында, сондай-ақ келіп түскен өтініштерге байланысты Қырғыз Республикасының Сыртқы істер министрлігі Түркия, Қазақстан және Сауд Арабиясындағы Қырғызстан елшіліктерімен, сондай-ақ Герцлия (Израиль) және Шымкент (Қазақстан) қалаларындағы Қырғызстанның құрметті консулдарымен тығыз ынтымақтастықта шұғыл эвакуациялық шаралар кешенін жүзеге асырды.

Үйлесімді әрекеттер нәтижесінде 11 Қырғызстан азаматы Израильден Мысырға сәтті эвакуацияланып, сол жерден Қазақстанның Шымкент қаласына аман-есен жетіп, кейін Қырғызстанға жеткізілді.

Министрлік Мысыр Араб Республикасы басшылығына және құзырлы органдарына транзиттік бағытты ұйымдастыруға көрсеткен көмегі мен қолдауы үшін шынайы алғыс білдіреді.

Сондай-ақ гуманитарлық миссияның сәтті жүзеге асырылуына ықпал еткен Қазақстанның дипломатиялық өкілдіктеріне ерекше ризашылығын жеткізді.

Бұдан бұрын грек дипломаттары Әзербайжанның көмегімен Ираннан эвакуацияланғанын жазған едік.

Сонымен қатар 20 маусымда Қазақстан Республикасының Сыртқы істер министрлігі үйлестірілген эвакуациялық іс-шаралар шеңберінде Израильден 66 отандасты (Мысыр аумағы арқылы), Ираннан 78 азаматты (Армения арқылы – 73, Әзербайжан – 2, Түрікменстан – 3) шығарды.

 h