Кәсіби теннисшілер қауымдастығы (ATP) жария еткен әлемдік рейтингіде қазақстандық спортшылардың орындары анықталды. Қазақстанның бірінші ракеткасы Александр Бублик 11-ден 10-сатыға көтеріліп, өзінің үздік көрсеткішін қайталады.
Қазақстандық теннисші осы аптада Женева (Швейцария) ATP 250 турнирінде өнер көрсетеді. А.Бубликтің бұл жарысқа өткен жылы қатыспағанын ескерсек, сәттілік серік болған жағдайда ұпай қорын толықтыратындай мүмкіндігі бар.
Қазақстанның екінші ракеткасы Александр Шевченко 85-тен 89-ға, ал Тимофей Скатов 188-ден 191-ге, Бейбіт Жұқаев 297-ден 298-ге, Михаил Кукушкин 281-ден 300-ге төмендеді.
Т.Скатов осы аптада Ролан Гаррос турнирінің іріктеу сайысында бақ сынайды. Ол Франция ашық біріншілігі іріктеу жарысының ширек финалында әлемнің 143-ракеткасы, даниялық Эльмер Мёллермен кездеседі.
Еске сала кетейік, бұдан бұрын Александр Бубликтің Женева жарысында бақ сынайтынын жазған едік.
Анна Данилина әлемдік рейтингіде ТОП-5-ке қайта кірді.
Автор
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.
Алдыңғы мақала
Ұқсас жаңалықтар
