Оқиға Kemel Kids балабақшасында болған. Ата-аналардың айтуынша, шамамен 1,5 метрлік шкаф қабырғаға бекітілмеген. Сол себепті ол кенеттен құлап, балалардың үстіне түскен. Ең көп зардап шеккен бір бала, соққы арқасына тиген. Абырой болғанда, ауыр жарақат тіркелмеген. Алайда бұл жағдай ата-аналардың ашуын туғызды. Олар енді балабақшадағы қауіпсіздікке толық тексеріс жүргізуді талап етіп отыр. Мұндай немқұрайдылық балалардың өміріне тікелей қауіп екенін айтып дабыл қағуда. Балабақшадағы қауіпсіздік талаптары тағы да күмән тудырды.