«Қазгидромет» РМК баспасөз хатшысы Алина Исмагулова Қазақстан өзендеріндегі су жағдайын баяндады.

«Атмосфералық фронтальды бөлімдер Қазақстанның көп бөлігінде жаңбырлы ауа райын тудырады, жел соғады, оңтүстіктің таулы аймақтарында қатты жаңбыр күтілуде, елдің солтүстігінде жауын-шашын (негізінен жаңбыр) болады. Тек республиканың шығысында антициклон әсерінен жауын-шашынсыз ауа райы күтіледі. ҚР бойынша найзағай, тұман болады, елдің оңтүстігінде жел күшейеді деп күтілуде», - деді спикер Республикалық ақпараттық штабта өткен брифингте.

Соңғы тәулікте Ақмола, Шығыс Қазақстан және Абай облыстары бойынша 5 дауылды гидрологиялық ескерту шығарылды.

Атап айтқанда, Ақмола облысында Балқашын ауылындағы Жабай өзенінің гидрологиялық бекетінде су деңгейінің көтерілуі жалғасуда, 4 сағат ішінде 27 см су толған.

Державинск қаласындағы Есіл өзенінің гидрологиялық бекетінде су деңгейі 12 сағатта 21 см-ге артып, қауіпті 15 см деңгейінен асқан.

Ақмола облысы Буденовка ауылындағы Аршалы өзенінің гидрологиялық бекетінде су деңгейі 8 сағат ішінде 80 см-ге көтерілген. Сағ. 00:00 жағдай бойынша су деңгейі – 1080 см (қауіпті деңгей - 1090 см), гидробекет мұздан тазартылды.

«Шығыс Қазақстан және Абай облыстары аумағында 14-18 сәуірде температура көтеріледі және 16 сәуірден бастап жаңбыр мен жылбысқы қар түрінде жауын-шашынның болжанып отыр. Сондай-ақ қардың қарқынды еруі жалғасқандықтан, еріген қар суының беткейге жайылуы, өзендердегі су деңгейінің ары қарай көтерілуі күтіледі», - деді спикер.