Қарағанды облысындағы өрт кезінде құтқарушы қаза тапты, деп хабарлайды Oimaqnews.kz Ulysmedia.kz. сайтына сілтеме жасап. 

Қарағанды облысындағы өрт. Бір құтқарушы қаза тауып, үшеуі ауруханада жатыр

ТЖМ мәліметінше, 6 қазанда Қарағанды облысы Қарқаралы ауданындағы дала өртін сөндіру барысындағы қызметтік міндетін атқару кезінде №24-өрт сөндіру бөлімінің аға өрт сөндіруші-құтқарушысы 1991 жылы туған Хали Хайрат қаза тапқан. Сержант азаматтық қорғау органдарында 2014 жылдан бастап жұмыс істеген.

Министрлік қара жамылған отбасына көңіл айтып, жан-жақты көмек пен қолдау көрсетілетінін айтып отыр. Оқиғаның мән-жайы анықталып жатыр. Сотқа дейінгі тергеу басталған

Ведомствоның Апаттар медицинасы орталығының психологтары қайтыс болған қызметкердің туыстарына қажетті психологиялық көмек көрсетіп жатқаны айтылды.