Еліміздің олимпиада чемпионы, спортшы Елдос Сметов өнердегі досы Төреғали Төреәліні қуантты. 

Өнер иесі спортшының үйінде қонақта болып, жеңісті күндеріне сәттілік тіледі. 

“Саған Алла разы болсын. Бір-бірімізге деген қолдауымыз ешқашан бітпесін. Ақыреттік достар болайық. Маған өзі тапсырма берген ғой. Өзім жаттыққанда киген, өзімнің тер иісі сіңген киімдерімді ұлдарына сыйлағым келіп тұр. Қазақ ырымшыл халықпыз ғой", – деді Сметов. 

Төреғали Төреәлі спортшы досына алғысын айтып, болашақта ұлдарының да чемпион болуын тіледі.

"Ұлдарыма жаттығуға киген киімдерін ырымдап беріп жатыр. Болашақта чемпиондардың әкесі болайын. Сіздер әумин деп қойыңыздар", - деп жазды әнші. 

Еске салайық, Төреғали Төреәлі дзюдошы Елдос Сметовке ат мінгізген еді.