"Ұлттық баяндамаға сәйкес, Қазақстандағы отбасылардың 95,4%-ы отбасылық қарым-қатынасты сақтайды және қанағаттанады.Ұлттық статистика бюросының мәліметі бойынша, 2023 жылы 2022 жылмен салыстырғанда некелер саны 5,9%-ға, ал ажырасулар саны 5,3%-ға азайған", – деді Аида Балаева Сенатта өткен жиында.

Ол атап өткендей, ажырасудың негізгі себептерінің бірі:

• ерлі-зайыптылардың біреуінің маскүнем, нашақор болуы;
• тұрмыстық зорлық-зомбылық;
• опасыздық;
• құмар ойындарға тәуелділік;

Сондай-ақ көптеген қазақстандық балалы болу мүмкін болмағандықтан да ажырасып жатыр. Министрдің айтуынша, әрбір алтыншы отбасы осындай жағдайға тап болады.