Франция әскери-әуе күштерінің Mirage 2000D жойғыш ұшағы Мерт-и-Мозель департаментіндегі Рожевиль ауданында апатқа ұшырады. Экипаж мүшелерінің бірі қаза тапты, екіншісінің тағдыры әзірге белгісіз. Бұл туралы "Известия" Le Monde басылымына сілтеме жасап хабарлайды.

Францияның әскери-әуе және ғарыш күштерінің мәліметінше, сейсенбі, 20 қыркүйекте, Нанси-Оше 133-әуе базасының Mirage 2000D ұшағы тапсырманы орындап қайтып келе жатқанда апатқа ұшырады", - делінген жарияланымда.

Оқиға орнынан экипаж мүшесінің денесі табылды, оның аты-жөні әзірге анықталған жоқ. Екінші әскери қызметші – ұшқышты немесе қару-жарақ жүйесінің операторын іздеу жұмыстары жалғасуда.

Ұшақ 2/3 "Шампань" жойғыш эскадрильясына тиесілі болған. Апаттың себептерін анықтау үшін ұшу қауіпсіздігі саласындағы тергеу және сот ісі басталды.

Понт-а-Муссон мэрі Анри Лемойның сөзінше, ұшақтың сынықтары дронның көмегімен табылды. Рожевиль мэрі Паскаль Дойоттың айтуынша, куәгерлер қатты жарылысты естіп, отты шарды көрген.

Іздеу операциясына Мерт-и-Мозель департаментінің өрт сөндіру және құтқару қызметтері, әскери-әуе күштерінің мамандары мен жандармерия жұмылдырылды. Егістік пен орманды қамтитын аумақты тікұшақпен де тексеріп жатыр.