Қазақстандық әнші Sadraddin Маңғыстау облысында орын алған қайғылы жағдайға байланысты Алматы қаласында өтуі тиіс концерттерінің күндері өзгергенін мәлімдеді, деп хабарлайды Oimaqnews.kz 

Өнер иесі әлеуметтік желідегі үндеуінде алматылықтарға, қала қонақтарына және тыңдармандарына көңіл айтып, 26 қыркүйекке жоспарланған концерттің 27 қыркүйекке ауыстырылатынын мәлімдеді. Ал 27 қыркүйекке жоспарланған концерт 28 қыркүйекте өтеді.

«Құрметті алматылықтар, қала қонақтары, тыңдармандарым! Маңғыстау облысында орын алған қайғылы жағдайға байланысты 26 қыркүйекке жоспарланған концертім 27 қыркүйекке, ал 27 қыркүйекке жоспарланған концертім 28 қыркүйекке ауыстырылатынын хабарлаймыз», – делінген хабарламада.

Осылайша, концертке алдын ала билет алған көрермендер үшін іс-шаралардың күндері бір күнге шегерілді.