Әзілкеш бұл туралы YouTube желісіндегі «Болған оқиға» подкасында баяндап берді.

— Өнердегі бір әпшеммен отырыста бірге болдым. Караокеге барсам да, сол кісінің әндерін айтып, жақсы көретін едім. Инстаграмда белгілеп саламын. Бірақ, өзіне көшіріп алмайды ешқашан. Сол отырыста «Сен мүлде ән айтпашы» дейді. Ол кісі үстелдің ана бұрышында отыр. Мен мына бұрышында отырмын. Өзімен-өзі тұрды да солай деді. Ана жерде қаншама адамдар отыр. «Сенің дауысың мүлде жоқ. Сен мұрынмен айтасың» дейді маған. «Әпше, мен қай жерден дауыс шығады. Сол жермен ән айтқым келеді» дедім. Әу демейтін қазақ жоқ. Кез келген қазақтың дауысы бар. Ән айтқысы келеді. Мен өнерді қатты жақсы көремін. Ерегіскім келмей тұр. Әңгімені әдемі жапқым келді. Ол кісіні мен қатты сыйлаймын. Ең жақсы көретін адамдарымның бірі ғой. «Сен той да жүргізбеші, ей» дейді маған. «Еш нәрсе істемеші!» дегенге келтіріп тұр. Шыдай алмай кеттім. «Әпше, ешкім жетіскеннен жүрмейді! Жетіспегеннен жүреді. Жетіспеді ме? Қолымнан не келеді. Соның бәрін істеймін. Есектің артын жусам да, ақша табамын. Ол маған нәпақа әкеліп тұр ма? Мен соны істеймін» дедім. Кинодағыдай бұрылдым. Есікті тарс жаптым да, жылап шығып кеттім, -деді ол.