Иран делегациясы АҚШ президенті Дональд Трамп айтқан қоқан-лоқы сөздер үшін кешірім сұрамайынша, Вашингтонмен келіссөзді қайта бастамайтынын мәлімдеді.
Бұл туралы ТАСС агенттігіне сілтеме жасап Қазақпарат хабарлады.
Швейцария аумағында АҚШ өкілдерімен келіссөзге қатысып жатқан Иран делегациясы ресми байланыстарды қайта жалғастыруға әзір емес.
Бұл туралы Al Mayadeen телеарнасы хабарлады.
БАҚ мәліметінше, Тегеран келіссөздердегі ұстанымын қатаңдатып, Ливан аумағындағы әскери іс-қимылды тоқтатуды және Израиль әскерін елдің оңтүстігінен шығаруды талап еткен.
Иран делегациясының басшысы АҚШ-қа қоқан-лоқы жасау мәселесінде сақ болуға кеңес берген.
-Трамп кешірім сұрамайынша, келіссөздер қайта жалғаспайды, — деп хабарлады телеарна.
Сондай-ақ ирандық келіссөз жүргізушілер тек Ливандағы әскери қимылдарды тоқтатуды ғана емес, Израиль күштерін Оңтүстік Ливаннан толық шығаруды талап етіп отыр.
Автор
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.
Ұқсас жаңалықтар
