Президент өз жеделхатында Си Цзиньпиннің Қазақстан мен Қытай арасындағы мызғымас достыққа, тату көршілікке және өзара қолдауға негізделген мәңгі жан-жақты стратегиялық серіктестікті нығайтуға қосқан үлесін жоғары бағалады.

Қасым-Жомарт Тоқаев Қазақстан мен Қытай қарым-қатынасының қазіргі «алтын отызжылдық» кезеңінде екіжақты ынтымақтастықтың жоғары қарқыны сақталып, жаңа бағыттар бойынша дами беретініне сенім білдірді.

Сондай-ақ Мемлекет басшысы Си Цзиньпинге жауапты мемлекеттік қызметінде табыс тілеп, достас Қытай халқына бақ-береке мен өсіп-өркендеу тіледі.