Қарағандыда  Олимпиада чемпионы Данияр Елеусіновтың әйелі Саида Елеусіноваға қатысты қылмыстық іс қозғалды, деп хабарлайды Oimaqnews.kz 

Azattyq Rýhy редакциясының сұрауына ресми жауап берген Қарағанды облыстық полиция департаменті бұл шешімнің себеп-салдарын айтты. Оқиға наурыз айының басында орын алған тұрмыстық жанжалға байланысты. Жәбірленушілер Саида Елеусінованың оларға физикалық күш қолданғанын айтса, әйел бұл жағдайды қарапайым даулы жанжал ретінде түсіндіріп, көршілердің күйеуінің аты-жөнін пайдаланып, конфликтіні ушықтырғанын мәлімдеді. Екі тарап та бір-біріне шағымданған. Майқұдық полиция бөлімінде ҚР ҚК-нің 108-1-бабы («Аса жеңіл денсаулыққа зиян келтіру») бойынша екі алдын ала тергеу тіркелді. Тергеу барысында бірнеше сот-медициналық сараптама тағайындалды. 

Сараптама қорытындысына сәйкес процессуалдық шешімдер қабылданады. Құпиялылық ережелеріне сәйкес тергеу аяқталғанға дейін қосымша мәлімет жарияланбайды. Егер Саида Елеусінованың кінәсі дәлелденсе, оған келесі жазалардың бірі қолданылуы мүмкін: 200 айлық есептік көрсеткішке дейін айыппұл, сол мерзімге түзету жұмыстары, 200 сағатқа дейін қоғамдық жұмыстар немесе 50 күнге дейін әкімшілік қамау.