Қазақстанда 2026 жылғы 1 шілдеден бастап электрлі самокаттарға тіркеу нөмірін тағу міндеттеледі, деп хабарлайды Oimaqnews.kz Arasha.kz. сайтына сілтеме жасап. 

«Қоса беріліп отырған: 1) Электрлі самокаттарды жалға беру қызметін жүзеге асыратын заңды тұлғалар мен жеке кәсіпкерлердің электрлі самокатқа тіркеу нөмірін есепке алу және беру қағидалары бекітілсін. Осы бұйрық 2026 жылғы 1 шілдеден бастап қолданысқа енгізіледі», - делінген Ішкі істер министрлігінің бұйрығында.

Құжатқа сәйкес, электр самокатқа берілген тіркеу нөмірін есепке алу келесі мәліметтерді қамтиды:

маркасы, моделі және шығарылған жылы;

сериялық нөмірі;

пайдалануға берілген және пайдаланудан шығарылған күні;

техникалық қызмет көрсету және жөндеу туралы мәліметтер;

тіркеу нөмірі.