Кездесуге Қазақстан Республикасы Жазушылар одағының мүшесі, ақын, журналист, «Еңбек даңқы» және Жанғали Нәубибуллин атындағы төсбелгінің иегері Қаршығаұлы Асантемір, сондай-ақ айтыскер ақындар Ринат Хожамуратов, Мисалбек Назар және Қазыбек Ибрахим арнайы қатысты.
Кеш барысында қонақтар өлең сөздің құдіреті, ақындықтың жауапкершілігі мен шығармашылық ізденістің мәні туралы әсерлі әңгіме өрбітті. Поэзияның адам жанына әсері, сөз өнерінің қоғамдағы орны жайында терең ой қозғап, өз шығармаларынан үзінді оқыды. Оқушылар тарапынан қойылған сауалдарға шынайы жауап беріп, өмірлік тәжірибелерімен бөлісті.
Әсіресе мектептің жас ақындарының өнері көпшіліктің көңілінен шықты. Олар өз жүрекжарды жырларын оқып, кәсіби ақындардың батасын алды. Бұл сәт жас таланттар үшін үлкен мотивация, шабыттың бастауы болды.
Қалам – адамның ішкі жан дүниесін, арман-мұратын, сезімі мен сырын жеткізетін киелі құрал. Осындай кездесулер арқылы оқушылар шығармашылыққа қадам басып, рухани байлықтың мәнін тереңірек түсінеді. «Қалам құдіреті» атты әдеби кеш те жас ұрпақтың ой-өрісін кеңейтіп, сөз өнеріне деген қызығушылығын арттырған мазмұнды басқосу болды.
Аталған іс-шараны мектеп директорының тәрбие ісі жөніндегі орынбасарлары:  Амирхожаева Ж.Б., Шаймерденова А.М., және қазақ тілі кафедрасының жетекшілері ұйымдастырды. 
Ұйымдастырушылардың жүйелі жұмысының нәтижесінде мазмұнды да тағылымды кездесу жоғары деңгейде өтті.