Шымкент қаласында 40 жастағы әйел пышақ жарақатынан көз жұмған еді. Оқиғаға куә болғандардың бірі аталған жайтқа қатысты тың дерек айтты, деп хабарлайды Oimaqnews.kz  Qaz365.kz.сайтына сілтеме жасап. 

«Тротуарда кетіп бара жатқан Оля деген келіншекті екі қырықтан екі елуге дейін үш рет бауыздаған», - дейді куәгер Qaz365.kz-ке берген сұхбатында.

Айта кетейік, Шымкентте әйел адамды пышақтап өлтірген күдікті жедел ұсталды. Алдын ала мәліметке сәйкес, күдікті жәбірленушіге өзара жақтырмаушылық негізінде пышақ жарақаттарын салған. Әйел оқиға орнында алған жарақаттарынан көз жұмды. Оқиға туралы полицияға куәгерлер хабарлаған.

Полицейлер күдіктіні ізін суытпай ұстады. Ұстау кезінде қарулы күдікті қарсылық көрсеткендіктен, қолданыстағы заңнама талаптарына сәйкес полиция қызметкерлері табельдік қаруды қолдануға мәжбүр болды.