Алматыда күзетшіні қатыгездікпен өлтірген күдікті 14 қабаттан секіруге тырысқан. Бұл туралы әлеуметтік желіде бейнежазба тарады. 

Кісі өлтіру оқиғасы Самал-3, 25-шағын ауданында, «Меркурий Тауерс» тұрғын үй кешенінде болған. Полиция келген кезде күзетшіні ұрып-соққан ер адам жасырынуға тырысқан. Содан кейін 14-қабаттағы өз үйіне көтеріліп, терезеден секірмек болған.

Полиция қызметкерлері оның  бұл ойын іске асыруға жол бермей, күдіктіні ұстаған.