1992 жылы Ту, Елтаңба және Әнұранымызды таңдау үшін Жоғарғы кеңес президиумы жұмыс тобын құрды. Осыдан кейін ел аумағында конкурс жарияланды. Бір ғана тудың өзіне 600 адамнан 1 мыңнан аса нұсқа түскен. Ал Елтаңбаның 245 жобасы, әнұранның 750 үлгісі байқауға қатысқан. Ту, Елтаңба және Әнұран бүгінде мемлекетіміздің егемендігі мен тұтастығын бейнелейтін, оның ажырамас атрибуттарының біріне айналды. 2007 жылы 4 маусымда қабылданған «Мемлекеттік рәміздер туралы» Конституциялық Заңға сәйкес жыл сайын дәл осы күні Мемлекеттік рәміздер күні мерекеленеді. Бүгінде еліміздің әр аймағында бірқатар іс-шара жоспарланған. Мерекелік концерттер, түрлі байқаулар мен патриоттық кештер өтеді. Маусымның алғашқы күндерінен бастап, елорда да арнайы челенддж өтіп жатыр. Тұрғын үйлер мен ғимараттардың балконы мен терезелеріне Мемлекеттік Ту ілінеді.