Жезқазғанда бес жасар бала адамдарды көлікпен қағып кетті, деп хабарлайды Oimaqnews.kz  etozhez-ке сілтеме жасап.

Оқиға «Гранд Палас» мейрамханасының жанында болған, төрт адам зардап шекті.

Белгілі болғандай, бес жасар бала көлікті қол тежегішнен алып тастаған. Нәтижесінде көлік жаяу жүргіншілер тобын қағып кеткен.

«Аталған факті полицияда тіркелді. ЖКО салдарынан көз жұмғандар жоқ. Осыған қарамастан, түрлі дене жарақаттарын алған 4 жаяу жүргінші ауруханаға жатқызылды. Тиісті сараптамалар тағайындалды», - деп атап өтті Ұлытау облыстық ПД-да.

Сонымен қатар Денсаулық сақтау басқармасында зардап шеккендердің саны бесеу екенін растады.

«5 адам зардап шекті. Бәрі тірі. Ішкі ағзалардың түрлі жарақаттары бар үш әйел адам амбулаториялық-емханалық емдеуде, ал төрт қабырғасы сынған ер адам травматология бөліміне жатқызылды», – делінген хабарламада.

Сонымен қатар зардап шеккендердің арасында бала бар, ол бас жарақатымен ауруханаға жеткізілді. Бірақ Денсаулық сақтау басқармасында бұл көлікте болған бала ма, жоқ па, оны айтпады.