15 қазанда Алматы, Абай, Шығыс Қазақстан және Жетісу облыстарында қар аралас жаңбыр мен қар күтіледі. ҚазАвтоЖол жүргізушілерге республикалық маңызы бар жолдарда көктайғақ болуы мүмкін екенін ескертті.
Компанияның мәліметінше, жауын-шашын салдарынан жолдардың жекелеген бөліктерінде көріну қашықтығы төмендеп, жол беті тайғақ болуы ықтимал.
«Жүргізушілерге ауа райын ескеріп, қауіпсіз арақашықтықты сақтауды, жол жағдайына қарай жылдамдықты таңдауды және оқыс маневр жасамауды ұсынамыз», — делінген хабарламада.
Синоптиктердің болжамынша, бүгін елдің шығысы мен оңтүстік-шығысында кей уақытта қатты жаңбыр мен қар жауады. Шығыста көктайғақ күтіледі. Ал республиканың орталығы мен оңтүстігінде жауын-шашынсыз ауа райы болжанып отыр.
Автор
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.
Алдыңғы мақала
Ұқсас жаңалықтар
