Танымал әнші, актриса Айгүл Иманбаева әлеуметтік желіде өзінің қуанышты жаңалығын жариялап, елге разы сезімін білдірді.  Бір жыл бойы Англияда білім алған өнер иесі дипломын алып, қуанып жүр. Жақында елге оралатынын да айтқан. 

Әнші  туған еліне оралса да, Англияны сағынатынын жеткізді.  Оның айтуынша,  ол білімін шыңдап жүріп, жақсы достар тапқанын айтады. 

«Мен Лондонға оқуға кеткеніме көзді ашып-жұмғанша бір жыл уақыт өтіпті. Елге қайтатын уақыт та келді. Иә, Англия елін сағынатын боламын. Себебі өремнің өрісін кеңейтіп, білімімді шыңдап, жақын дос, орта тауып, үлкен баға жетпес байлықпен келе жатырмын. Қазақ өнеріне де өз үлесімді қосып, өрелі, өнерлі, білімді шәкірт тәрбиелеп, өнерге осында алған біліміммен ары қарай жаңалық енгізсем деп келе жатырмын. Айтпағым сіздерден сүйіншілетіп, алған дипломымды көрестіп, қуанышымды бөлісейін дегенім едім. Білім іздеген жандарға еш уақытта кеш емес. Әлемнің есігі қай жаста да, кімге де болса ашық», - деп жазды Иманбаева Instagram-дағы парақшасында.