Турнир Словакия астанасы Братиславада өтіп жатыр. Грек-рим күресінен 67 келіге дейінгі салмақта сынға түскен Қалмағамбетов финалға дейінгі жолында төрт балуанды жеңді.

Шешуші белдесуде оның қарсыласы беларусьтік Михаил Марковский болды. Тартысты кездесу 13:7 есебімен қазақ балуанының жеңісімен аяқталды.

Осылайша, 19 жастағы Қазыбек Қалмағамбетов 20 жасқа дейінгі балуандар арасында әлем чемпионы атанды.

Бұл алтын медаль – Қазақстан құрамасының осы турнирдегі алғашқы жүлдесі.