6 тамызда Қазақстанның бірқатар өңірінде жаңбыр жауып, найзағай күтіледі. Кей жерлерде желдің екпіні секундына 20 метрге дейін күшеюі мүмкін, деп хабарлайды Oimaqnews.kz 

Астанада күн бұлтты болып, жаңбыр жауады және найзағай ойнайды. Желдің жылдамдығы секундына 9–14 метрге жетеді. Түнде ауа температурасы +16…+18 градус, күндіз +26…+28 градус болады.

Алматыда да жаңбыр жауып, күн күркірейді. Жел секундына 3–8 метр, екпіні 13 метрге дейін күшеюі ықтимал. Түнде +17…+19 градус, күндіз +29…+31 градус күтіледі.

Шымкентте жауын-шашын болмайды. Жел секундына 8–13 метр жылдамдықпен соғады. Түнде +18…+20 градус, күндіз +32…+34 градус болады.

Солтүстік және шығыс өңірлерде жаңбыр жауады

Павлодарда жаңбыр жауып, найзағай ойнайды. Желдің екпіні секундына 15–20 метрге дейін жетеді. Ауа температурасы түнде +16…+18, күндіз +25…+27 градус болады.

Петропавлда күн бұлтты, жаңбырлы болады. Жел секундына 15–20 метр жылдамдықпен соғады. Түнде +13…+15, күндіз +24…+26 градус күтіледі.

Семейде жаңбыр жауып, найзағай ойнайды. Желдің екпіні секундына 15–20 метрге дейін күшеюі мүмкін. Түнде +16…+18, күндіз +26…+28 градус болады.

Өскеменде де жаңбыр мен найзағай болжанады. Жел секундына 5–10 метр, екпіні 15–20 метрге дейін жетеді. Түнде +18…+20, күндіз +28…+30 градус күтіледі.

Көкшетау мен Қостанайда жауын-шашын болмайды. Екі қалада да түнде +13…+15, күндіз +26…+28 градус болады.

Ақтауда жаңбыр жауып, найзағай ойнайды. Түнде +23…+25, күндіз +28…+30 градус болады.

Ақтөбеде күн ашық, жауын-шашынсыз өтеді. Түнде +15…+17, күндіз +28…+30 градус күтіледі.

Атырауда күндіз ауа температурасы +33…+35 градусқа дейін көтеріледі. Жауын-шашын болжанбайды.

Оралда күн құбылмалы бұлтты, жауын-шашынсыз болады. Түнде +15…+17, күндіз +31…+33 градус күтіледі.

Оңтүстікте аптап ыстық сақталады

Қызылордада күн ашық болып, ауа температурасы +36…+38 градусқа дейін жетеді. Түнде +20…+22 градус болады.

Түркістанда күндіз +34…+36, түнде +18…+20 градус күтіледі. Жауын-шашын болмайды.

Таразда күн құбылмалы бұлтты, жауын-шашынсыз өтеді. Түнде +19…+21, күндіз +33…+35 градус болады.

Қонаев пен Талдықорғанда күндізгі ауа температурасы +31…+33 градус шамасында болады. Жауын-шашын күтілмейді.

Жезқазғанда жауын-шашынсыз ауа райы сақталады. Түнде +16…+18, күндіз +31…+33 градус болады.

Қарағандыда күн құбылмалы бұлтты, жауын-шашынсыз өтеді. Жел секундына 9–14 метр жылдамдықпен соғады. Түнде +15…+17, күндіз +26…+28 градус күтіледі.

Синоптиктер жаңбыр мен найзағай болжанған өңірлердің тұрғындарына қауіпсіздік шараларын сақтап, жел күшейген кезде ағаштар мен әлсіз бекітілген құрылымдардың маңында жүрмеуге кеңес береді.