Бұл — соңғы екі аптадағы ең төмен көрсеткіштердің бірі, деп хабарлады «Нефть и капитал» телеграм арнасы.

Бағаның құлдырауына АҚШ-тың бұрынғы президенті Дональд Трамптың Иранға қатысты мәлімдемесі әсер еткен. Демалыс күндері ол Иранмен келісімге келу «бұрын-соңды болмаған деңгейде жақын» екенін айтқан.

Сарапшылардың пікірінше, мұндай мәлімдемелер мұнай нарығына тікелей ықпал етеді. Өйткені Иран мұнайының әлемдік нарыққа қайта оралу ықтималдығы ұсынысты арттырып, бағаны төмендетуі мүмкін.

Сонымен қатар «Нефть и капитал» арнасы соңғы уақытта күмән тудырып отырған бір жайтқа назар аударды. Басылымның мәліметінше, Трамптың мұнай нарығына әсер ететін мәлімдемелері алдында биржада сауда көлемі күрт өсіп отырған.

Зерттеу нәтижесінде трейдерлік компаниялардың ірі мәмілелері президенттің мәлімдемесінен бірнеше минут не сағат бұрын жасалғаны байқалған. Бұл жағдай нарықтағы инсайдерлік ақпарат пен алыпсатарлық туралы күмәнді күшейтіп отыр.

Басылым мәліметінше, жүргізіліп жатқан зерттеулер Трамп командасының мұнай бағасындағы ауытқуларды пайдаланып, биржалық ойындарға қатысуы мүмкін деген бірнеше эпизодты анықтаған. Алайда бұл ақпаратқа қатысты ресми қорытынды әлі жарияланған жоқ.