26 жастағы ауыл тұрғыны жұбайымен бірге екі балан тәрбиелеп отырған. Олардың үш жасар қызы және 2025 жылдың мамыр айында дүниеге келген ұлы болған. Тергеу дерегіне сәйкес, ер адам әйелім қызды басқа ер адамнан туды деп ойлай бастаған.

Прокурордың мәліметінше, әкесі баланы түні бойы шарфпен кереуетке байлап, ара-тұра ұрып отырған. Бұл жағдай 2025 жылдың қаңтарынан қыркүйекке дейін жалғасқан. Оның соңы ақыры қайғылы оқиғамен аяқталған.

Айыпталушы көршісінің моншасында ішімдік ішіп отырған. Кешкі сағат 22:00 шамасында үйіне барып, қызын алып кеткен. Сол жерде оны бірнеше рет ұрып, кейін қайтадан көршісінің үйіне алып келген. Тергеу мәліметіне сай, ол баланы қатты күшпен бетон еденге лақтырған.

"Сағат шамамен 22:00-де қызын өзімен бірге моншаға алып кірген. Сосын киім ауыстыратын бөлмеде, мас күйде баланы жоғары көтеріп, бетон еденге әдейі лақтырған", -  дейді прокурордың көмекшісі Елена Корнева.

Оқиғадан кейін ер адам қызын аудандық ауруханаға жеткізген. Алайда алған жарақатының салдарынан бала көз жұмды.

Сараптама қорытындысы бойынша, қыздың бауыры жыртылып, ішкі қан кету болған.

Қазір ер адамға “Азаптау” және “Адам өлтіру” баптары бойынша айып тағылып отыр. Оған өмір бойына бас бостандығынан айыру жазасы тағайындалуы мүмкін. Десе де айыпталушы өз кінәсін мойындамай отыр.