Әзербайжан орталық сайлау комиссиясының  мәліметтеріне қарағанда  дауыс берушілердің  белсенділігі өте жоғары болған. Дәлірек айтқанда дауыс беруге құқы бар әзербайжандықтардың 76,73%-і  сайлауға қатысқан. Бұл 4 млн 871 мың 32 адам деген сөз.

7 үміткердің ішінде қазіргі президент Илхам Әлиев 93,35% дауыс жинап, жеңіске жетті.

Ал Захид Орудж  - 2,19%, Фазиль Мустафа -2%, Гудрат Гасангулиев-1,76%, Рази Нуруллаев-0,8%,  Эльшад Мусаев -0,67, Фуад Алиев -0,53% дауыс жинаған.

Бақылаушылардың басым көпшілігі сайлауда өрескел  заң бұзушылықтар болмағанын алға тартуда. Ал бірқатар мемлекет басшылары  Илхам Әлиевті  кезектен тыс сайлауда жеңіске жеткенімен құттықтады. Олардың арасында Қазақстан президенті Қасым-Жомарт Тоқаев  та бар. Ақорданың мәлімдеуіне қарағанда Қ.Тоқаев И.Әлиевпен телефон арқылы сөйлескен.

Oimaqnews