Әнші Жазира Байырбекованың келіні Асылы әлеуметтік желіде қызу талқыға түсті. Жас келін Aliya_collections брендінің киімдерін киіп, жарнамаға түскеннен кейін желі қолданушылары түрлі пікір қалдырған.

Пікір білдірушілердің бір бөлігі оның образына сын айтып, «қысқарақ кисе қайтеді?», «арық болса да киім жараспайды екен» деген секілді жазбалар қалдырса, енді бірі керісінше қолдау білдірген.

Осы жағдайға байланысты Асылының анасы Лиза Ахматова пікір қалдырып, көпшілікке өз ойын жеткізді.

Ол өз жазбасында адамдардың біреудің жеке өміріне артық араласатынына таңғалатынын айтты. Анасының сөзінше, оның қызы жас, әдемі, өз жолын тауып келе жатқан жан және ешкімге зияны жоқ.

Сондай-ақ ол жағымсыз пікір жазатындарға жауап беріп, «арық», «колхоз» сияқты сөздер адамның өз мәдениетін көрсететінін атап өтті. Ал жақсы пікір қалдырғандарға алғысын білдіріп, олардың ішкі дүниесі мен өмірі үйлесімді екенін жеткізді.

«Жаман пікір көбіне өз өмірінде бәрі дұрыс емес адамдардан шығады. Сондықтан әркім өз өмірімен айналысып, дамуына көңіл бөлгені дұрыс», – деп жазды ол.

Желіде бұл пікірге қатысты түрлі көзқарас қалыптасып, оқырмандар арасында қызу талқылау жалғасуда.