Метеорологтардың мәліметінше, кей күндері елдің солтүстігінде және оңтүстік бөлігінде атмосфералық фронттардың өтуіне байланысты жауын-шашын (жаңбыр, қар), желдің күшеюі күтіледі, ал елдің оңтүстігінде күндізгі сағаттарда найзағай ойнауы ықтимал.

Сондай-ақ республика бойынша тұман және көктайғақ болуы мүмкін. Қалған аумақтарда жауын-шашынсыз күн райы күтіледі.

Ауа температурсына келсек, синоптиктердің болжамынша, ел аумағында күн жылынады.

Күндіз батыс өңірлерде ауа температурсы +12…+17°С-қа дейін;

Маңғыстау облысында +18…+23°С-қа дейін;

солтүстік және республиканың орталық бөлігінде +3…+8°С шамасында;

Ұлытауда +15…+20°С-қа дейін;

шығыста +5…+15°С-қа дейін;

оңтүстікте +20…+25°С-қа дейін;

оңтүстік-шығыста +15…+23°С-қа дейін көтеріледі.