Астана қаласының Байқоңыр ауданындағы К. Циолковский тұйық көшесінде орналасқан бір қабатты үйде өрт сөндіру кезінде жарылыс болды, деп хабарлайды Oimaqnews.kz .

«Астананың Байқоңыр ауданы, К. Циолковский тұйық көшесіндегі бір қабатты үйде өрт шықты. Өртті сөндіру барысында газ-ауа қоспасының тарсылы (ресми тұжырымдамада жану белгілері болмаған жағдайда «жарылыс» деп бағалануы мүмкін құбылысты жиі «тарсыл» деп атайды – ҚазТАГ) болды. Пәтерлердің біріндегі аумағы 80 шаршы метр болатын жалын сөндірілді», — деп хабарлады Төтенше жағдайлар министрлігінің баспасөз қызметі.

ТЖМ мәліметінше, қабылданған шаралардың арқасында тілсіз жаудың 300 шаршы метрлік ғимараттың барлық аумағына таралуына жол берілмеді.

Оқиғадан қаза тапқандар мен зардап шеккендер жоқ. Өрттің шығу себептері анықталып жатыр.