Қостанай облысында полиция департаменті екі жасөспірімнің кісі өліміне қатысты ұсталғанын мәлімдеді, деп хабарлайды Oimaqnews.kz Qaz365.kz. сайтына сілтеме жасап.

Бұған дейін 23 қаңтарда көпқабатты үйлердің бірінде 19 жастағы Рудный тұрғынының мәйіті табылған еді. Мәйітте пышақ жарақаттары болған. 

Еске салайық, полиция шамамен 17 және 18 жастағы екі жасөспірімге іздеу жариялаған еді. Жасөспірімдер 19 жастағы жігітті өлтірді деген күдікке ілінген. 

Желіде тараған видеодан екінші жас жігіттің "ақылды" домофонның алдында ұзақ уақыт тұрып, пәтерге қоңырау шалғанын көруге болады.

Кейін дәл сол камераға күдіктілердің подъезден жүгіріп шығып бара жатқан сәті түсіп қалған.

Ал біраз уақыт өткен соң үйдің алдында жедел жәрдем көлігі тұрғаны байқалады.