Қарағанды облысының әкімдігі өңірдегі дене шынықтыру және спорт басқармасы басшылығының қатысуымен болған төбелеске қатысты пікір білдірд, деп хабарлайды Oimaqnews.kz  Arasha.kz.сайтына сілтеме жасап.

«Спорт басқармасының басшылығына қатысты оқиға жөнінде тараған ақпаратқа байланысты хабарлаймыз: басқарма қалыпты режимде жұмыс істеп жатыр.

Оқиғаның мән-жайы анықталуда, тергеу жүргізілуде. Қорытындысы бойынша қолданыстағы заңнамаға сәйкес тиісті шаралар қабылданады», – деп мәлімдеді ведомствоның баспасөз қызметі.

Еске салайық, бұған дейін Қарағандыда дене шынықтыру және спорт басқармасының басшысы Серік Сәпиев пен оның орынбасары Даурен Есімханов арасында төбелес болғаны туралы ақпарат тараған еді. Желіде видео жарияланды.

Полицияның хабарлауынша, Қарағанды қаласының 42 жастағы тұрғынының (Серік Сәпиевтің жасы) арызы бойынша «ұрып-соғу» дерегімен қылмыстық іс қозғалған.

21 қаңтар күні қаладағы спорт кешендерінің бірінің ғимаратында екі ер адам арасында жанжал шыққаны анықталды. Құқық қорғау органдары оқиғаның барлық мән-жайын тексеріп жатыр.