Жедел жәрдем дәрігері не дейді?

Жедел жәрдем дәрігері Нұрлан Мұхамбеденовтің айтуынша, бригада шақыртуға сегіз минутта жеткен.  Шақыру себебі – науқастың ес-түссіз, тыныс алмауы.

«Біз үшеуміз: жанымда жүргізуші, көмекші дәрігер болды. Үшеуміз мейрамханаға бірге кірдік, бізді реанимация тобы деп санайды. Мейрамханаға келген кезде бізді  көшеде бір жас жігіт қарсы алды. Ол бірден  2-қабатқа IP бөлмесінде лифтпен шығарып салды. Бұл –  сотталушы Байжанов. Біз онымен сөйлеспедік, ол бізге VIP бөлмені көрсетті. Әйел диванда, жалаңаш жатыр екен. Үстіне жамылғы жапқан. Бірден оны тексеруді бастап кеттік. Мен ассистентіме жабдықты мониторға қосуды өтіндім. Бұл кезде науқас ес-түссіз жатқан, тамыр соғысы, тыныс алу немесе жүрек соғысы болған жоқ, деді Мұхамбеденов. 

Куәгердің айтуынша, Бишімбаев пен Байжановтың әңгімесі оның мазасын алғандықтан, олардың кетуін сұраған. Олар дәрігердің ауру тарихы туралы сұрақтарына жауап бермеген.