Италияның бірнеше қаласында  Салтанат Нүкенованы еске алуға арналған митингілер өтеді.

3 сәуірде Римде, Миланда, Туринде, Болоньяда, Флоренцияда және Мессинада «Салтанат үшін» бейбіт митингі ұйымдастырылады.

Қатысушылар тұрмыстық зорлық-зомбылыққа қатысты заңнаманы күшейтуді талап етеді.

«Біз, қазақстандықтар, еркін жиналу құқығының артықшылығын пайдаланып, тұрмыстық зорлық-зомбылық құрбандарымен ынтымақтасуымыз керек. Баршаңызды белсенді және қамқор болуға шақырамыз! Қазақтар мен ТМД елдерінен келетіндер бар басқа топтарға жібере аласыздар», - дейді ұйымдастырушылар.

Акция мессенджер арқылы үйлестіріледі, қатысушылар саны қазірдің өзінде төрт жүзден асты.