Қазақ КСР Компартиясы ОК-нің бірінші хатшысы Дінмұхамед Қонаевтың қарындасы, белгілі ғалым-биолог Рауза Қонаева 92 жасында дүниеден өтті, деп хабарлайды Oimaqnews.kz turkystan.kz. сайтына сілтеме жасап.

Қаралы хабарды Д.А. Қонаев атындағы Халықаралық қор жеткізді.

Рауза Минлиахмедқызы Қонаева 1934 жылғы 10 сәуірде Алматы облысы Шілік ауылында дүниеге келген. Ол Минлиахмед пен Зауре Қонаевтардың балаларындағы он бірінші, яғни кенже перзенті.

Рауза мен ата-анасының үлкен балалары арасындағы жас айырмашылығы едәуір болған. Мәселен, үлкен әпкесі Амина одан 27 жас үлкен, ал Рауза Минлиахмедқызынан бұрын туған Аскар Минлиахмедұлы одан 5 жасқа үлкен.

Рауза Минлиахмедқызы кеңестік Алматы қаласындағы №28, №10 және №36 мектептерде білім алған.

1952 жылы ол М.В. Ломоносов атындағы Мәскеу мемлекеттік университетінің биология-топырақтану факультетіне оқуға түсіп, 1956 жылы оқуын сәтті аяқтаған.

1957–2016 жылдар аралығында Қазақстан Ғылым академиясы жүйесінде, атап айтқанда екі ғылыми институтта еңбек етті: Биохимия институтында (1957–1983 жж.) және Молекулалық биология және биохимия институтында (1983–2016 жж.).

Рауза Минлиахмедқызы — еңбектері Қазақстаннан тыс елдерге де кеңінен танымал, биология ғылымы саласындағы ірі қазақстандық ғалым. Оны жоғары зиялылық, қарапайымдылық, адамдарға деген жолдастық қарым-қатынас, ізгі ниет және тыңдай білу қасиеттері ерекшелейді. Рауза Минлиахмедқызы республикадағы көрнекті заңгер Мұрат Баймахановтың жұбайы болған.

Рауза Ахмедқызы Қонаева мен Мұрат Тәжі-Мұратұлы Баймахановтың қызы әке жолын қуған.
Баймаханова Дина Мұратқызы — заң ғылымдарының докторы, әл-Фараби атындағы ҚазҰУ профессоры.