Қазақстанның халық әртісі Мақпал Жүнісова «Сенбілік серуен» бағдарламасына берген сұхбатында марқұм күйеуі Заманбек Нұрқаділов туралы естелік айтты, деп хабарлайды Oimaqnews.kz Qaz365.kz. сайтына сілтеме жасап. 

«Ол кісі әйел адамның өзіне қарсы шыққанын тіптен жек көретін адам екен. Керемет болдым деп айта алмаймын. Басындағы 1-2 жыл ит пен мысық сияқты өмір сүрдік. Мен де тік мінезді адаммын. Бетіне айтып тастайтынмын. Солай айттың деп, 2-3 күн сөйлеспей қоятын. Ол кісі мені тәрбиеледі, кішкене жынымды басты», - дейді әнші.

Еске сала кетейік, Мақпал Жүнісова күйеуінің Кегендегі ескерткішіне барып, гүл шоғын қойған болатын. Жантебірентерлік сәттің видеосын әлеуметтік желідегі парақшасында жариялады.

«Кегендегі мектепке атын беріп, бір бөлмесінде Зәкеңе арнап мұражай жасапты, соған Зәкеңнің біраз дүниесін табыстап кеттім. Кегендік әкімшілікке көп рақмет!», - деп жазды Мақпал Жүнісова.

Желі қолданушылары әншінің бұл игілікті ісін құп көріп, алғысын жаудырды.