Астанада 1 миллион доллар бойынша алаяқтық ісі қаралып жатыр. Зардап шегуші – Алмира Нұрлыбекова. Ол әйелін өлтіріп сотталған экс министр Қуандық Бишімбаевтың анасы.  Соттағы сұрақ-жауап барысында  анасы көз жасына ерік берді. 

"Ол кездері (Бишімбаев ісі кезінде) өте ауыр жағдайды бастан кештік. Зейнет жасындағы адамдардың ахуалы қалай болатыны белгілі, жедел жәрдем шақырдық, Күйеуі ракпен ауырады, әрі жүрегі нашар. Күні-түні ұлымыздың жағдайын ойладық" дейді Алмира Нұрлыбекова. 

Прокурор айыптау актісін оқығаннан кейін сотталушы Бекзат Кемеловадан сот  "айыптармен келісесіз бе?" деп сұраған еді.  Ол кінәсін мойындаған жоқ.