Еуразиялық зерттеу институтының мәлімдеуінше, 2025 жылғы қаңтар-шілде айларында АҚШ Қазақстанның сауда серіктестері арасында 9-орын иеленген. Ол елдің жалпы сыртқы сауда айналымының 2,4%-ын алып отыр.

📊 Өзара тауар айналымы 1,9 млрд долларға жетті, бұл өткен жылғы көрсеткішпен салыстырғанда (2,45 млрд доллар) 22,8% аз.

📉 Қазақстанның АҚШ-қа экспорты екі есе – 42,7% қысқарып, 641,9 млн доллар болып қалды.

Мына бағыттар бойынша төмендеу байқалады:

• шикі мұнай (-65%);

• ферроқорытпалар (-40%);

• күміс (-10%).

⚡ Сонымен бірге өсім көрсеткен тауарлар да бар:

• уран (+41,5%);

• асыл металдан жасалған әшекейлер мен тантал өнімдері (+87,3%).

📉 АҚШ-тан Қазақстанға импорт 6% азайып, 1,25 млрд доллар болды. Азайған негізгі тауарлар:

• жеңіл автокөліктер (-22,2%);

• авиациялық қозғалтқыштар (-42%);

• телефон аппараттары (-74,2%);

• құс еті (-60,1%).

⬆️ Ал импортта айтарлықтай өсім тіркелді:

• дәрі-дәрмектер (4 еседен артық өсім);

• әуе көліктері (+88,7%).

⚖️ Сауда балансы дәстүрлі түрде теріс және 2025 жылғы қаңтар-шілдеде -607,5 млн доллар болды (өткен жылы -208,4 млн доллар болған).

📈 Кейінгі 10 жылда өзара сауда көлемі екі есе артты:

• 2015 ж. – 1,9 млрд доллар;

• 2024 ж. – 4,2 млрд доллар.

Өсім Қазақстан экспортының (0,43 млрд доллардан 1,97 млрд долларға дейін) және АҚШ-тан импорттың (1,47 млрд доллардан 2,24 млрд долларға дейін) ұлғаюы есебінен қамтамасыз етілді.

💵 Инвестициялар:

• Қазақстанның АҚШ-тағы портфельдік инвестициялары – 48,7 млрд доллар.

• АҚШ-тың Қазақстанға тікелей инвестициялары – 38,9 млрд доллар, оның 96,4%-ы кен өндіру өнеркәсібі мен карьерлерді игеруге бағытталған.

• 2005-2025 жылдар аралығында АҚШ-тан Қазақстанға тікелей шетелдік инвестициялардың жиынтық көлемі 51,8 млрд долларға жетті. Бұл АҚШ-ты Қазақстан экономикасындағы ең ірі инвесторлардың біріне айналдырады.