Туризм және спорт вице-министрі Серік Жарасбаев көпшілік күткен «Қайрат – Реал Мадрид» ойынына билеттердің қашан сатылатынын мәлімдеді, деп хабарлайды Qaz365.kz.

Серік Жарасбаевтың айтуынша, билеттер матчқа 10 күн қалғанда, яғни қыркүйектің 20-сы кезінде сатыла бастайды.

“Әртүрлі дереккөздер «билет сатылымы басталды» деген жалған ақпарат таратып жатыр. Қала тұрғындары мен жанкүйерлер мұндай хабарға сеніп қалмауы керек. Билетті сату құқығы тек «Қайрат» клубына тиесілі. Ресми ақпарат клубтың сайтында немесе әлеуметтік желідегі парақшаларында жарияланады, – деді вице-министр.

Сондай-ақ ол стадионда арнайы қонақтарға арналған аймақ болатынын, онда халықаралық бақылаушылардың да жайғасатынын атап өтті.