Шымкент қалалық №1 клиникалық ауруханасында Франция азаматы, кәсіби боксшы Klaus Demeri-ге шұғыл ота жасалды, деп хабарлайды Oimaqnews.kz  turkystan.kz.сайтына сілтеме жасап. 

Спортшы жарыс кезінде жарақат алып, жедел түрде медициналық мекемеге жеткізілген. Дәрігерлердің тексеруі барысында науқасқа «сыртқы мұрын сүйектерінің жабық сынығы, сол жақ гаймор қуысының орбиталық қабырғасының ығысқан сынуы, көз алмасының жұмсақ тіндерінің гаймор қуысына түсуімен қатар жүретін жарақат» деген күрделі диагноз қойылды.

«Пациент дереу ЛОР бөлімшесіне жатқызылып, сүйек сынықтарын репозициялау және эндоскопиялық баллонопластика отасы жасалды. Хирургиялық ота сәтті аяқталып, боксшы бесінші тәулікте қанағаттанарлық жағдайда ауруханадан шығарылды. Шетелдік спортшы ақ халатты абзал жандарға ерекше алғысын білдіріп, Шымкент медицинасының кәсіби деңгейіне жоғары баға берді», – делінген Шымкент қаласы денсаулық сақтау басқармасы таратқан ақпаратта.