Павлодарда қыз ұзатуға мейрамханаға барып, тамақтан уланғандардың саны артты. Денсаулық сақтау басқармасының 10 маусымдағы мәліметі бойынша, жұқпалы аурулар ауруханасына 42 адам жеткізілген. Олардың көпшілігі ауруханаға жатқызылды.
Дәрігерлердің айтуынша, 7 маусымда мейрамханада өткен қыз ұзатуда барлығы 35 адам шағыммен жүгінген. Олардың 21-і ауруханаға жатқызылған.
Бұл уланғандардың қатарына келесі күні сол мекемеде өткен екінші мерекенің қонақтары да қосылды. Ол жерден 10 маусымда 7 адам жүгінген. Олардың бесеуі бөлімге орналастырылып, екеуі емделуге үйге жіберілді.
Павлодар облысының полиция жағдай туралы түсініктеме берді.
“Улану фактісі бойынша Павлодар қаласындағы кафелердің бірінде Павлодар облысы бойынша санитарлық-эпидемиологиялық бақылау департаменті тексеруді бастады. Оның нәтижелері бойынша полиция іс жүргізу шешімін қабылдайды. Оқиғаның мән-жайы анықталуда”, - деп хабарлады ведомство.
Автор
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.
Келесі мақала
"Қазпоштаға" жаңа төраға тағайындалды
Ұқсас жаңалықтар
