Астана қалалық сотының баспасөз хатшысы алқабилерді іріктеу принципі туралы айтты.

«Алқабилерді таңдау процедурасы сот талқылауына ұқсас. Сот отырысы залында төрағалық етуші, мемлекеттік айыптаушы және тараптардың адвокаттары бар. Алқабиге кандидаттарға алдымен сотта алқаби ретінде қатысудан бас тартуға негіз бар-жоғын анықтау үшін сұрақтар қойылады. Мысалы, сот отырысына қатысуға мүмкіндігі жоқ аурулар, емізулі баласы бар шығар.  Мүмкін, үміткер жалғыз асыраушы шығар. Басқа себептер де  болуы мүмкін.

Содан кейін қалған кандидаттардың арасынан 12 алқаби – 10 негізгі мүше және екі орынбасар таңдалады. Таңдау аяқталғаннан кейін сот алқабилер сотының күнін белгілейді».