Deutsche Welle таратқан мәліметтерге қарағанда  Гермаиня  әскери  теңіз күштерінің Hessen фрегаты хуситтер  жіберген екі дронды атып түсірген. Сөйтіп бундесвер Қызыл теңізде йемендік хуситтерге қарсы операцияларға ресми түрде  қатыса бастады. Осылайша Қызыл теңіздегі сауда жолдарын қорғауға кірісті.

24 ақпанда Германия  парламенті  бундесверге  Еуропа одағының  сауда жолдарын қорғауға арналған Aspides миссиясына  қатысуға мандат берген еді. Осы мандатқа сәйкес Германия қарулы күштері  миссияға 700 әскери қызметші қатыстыруға  рұқсат алған болатын. Ал бортында 240 әскери қызметшісі бар Hessen фрегаты операция өткізілетін ауданға жіберілген еді. Арада үш күн өткенде фрегат алғашқы шабуылға тойтарыс берді.

Oimaqnews