Сыбайлас жемқорлыққа қарсы іс-қимыл агенттігінің Астана қаласы бойынша департаменті әнші Сиви Махмудидің бұрынғы күйеуі Аңсар Қажымұханұлына іздеу жариялады.

"Бастамашы: СЖҚІА. Іздестіруді жүргізетін орган: Қазақстан Республикасының Сыбайлас жемқорлыққа қарсы іс-қимыл агенттігінің Астана қаласы бойынша департаменті", – делінген Құқықтық статистика және арнайы есепке алу органдары порталында жарияланған хабарламада.

Аңсар Қажымұханұлы әнші, актриса Сиви Махмудидің он жылдай отасқан бұрынғы күйеуі. 2021 жылы ажырасып кеткен.