Юлия Путинцева Азиада-2026 жартылай финалында қытайлық Чжан Шуайдан 4:6, 2:6 есебімен ұтылды. Кездесу 1 сағат 32 минутқа созылды. Қазақстандық спортшы бірде-бір эйс жасай алмады, ешқандай қос қателік жібермеді және он брейк-пойнттың тек біреуін ғана пайдалана алды. Қарсыласы екі эйс жасап, бір қос қателік жіберді және жеті брейк-пойнттың бесеуін сәтті аяқтады.

Нәтижесінде Чжан Шуай финалға шықты, онда ол Александра Эала (Филиппин) - Ван Сиюй (Қытай) жұбының жеңімпазымен алтынды сарапқа салады. Ал Путинцева қола медаль иегері атанды.

Бұл жүлде Қазақстанның 2026 жылғы Азия ойындарындағы 57-ші медалі болды (құрама еншісінде сондай-ақ 9 алтын, 16 күміс және 32 қола бар).

Сонымен қатар, Юлия Путинцева — ел тарихында әйелдер арасындағы жекелей сында Азияда медалін жеңіп алған алғашқы теннисші.

Азиядада теннистен тағы бір қазақстандық, еліміздің жұптық сындағы үздік теннисшісі Анна Данилина өнер көрсетіп жатыр. Александр Шевченкомен бірге миксте олар өзбекстандық Севиль Юлдашева мен Максим Шинге қарсы матч өткізіп, екі сетте 6:1; 7:5 есебімен жеңіске жетті. Бұл жеңіс қазақстандық дуэтке 1/4 финалға шығуға мүмкіндік берді.